اسلام آباد ۔ 19 اپرېل (اے پی پی) د پاكستان مسلم ليګ (ن) صدر او د مخالفې ډلې مشر شهباز شريف د اتوار په ورځ پاكستان كښې د امريكا سفير پال ډبلیو جونز ته ځوابي خط ليكلې دې كوم كښې چې ده وئيلي دي چې د كورونا وائرس له امله نه يوازې بشري ژوند ته خطرې پېښې دي بلكې بشري سماج او معاشرت ټول ځپلې كېږي۔ د كورونا په ضد اجتماعي جنګ كښې د پاكستان په مرسته كولو د امريكا مننه كوؤ۔ ده ووئيل د پاكستان او امريكا ترمينځه دوه اړخيزه اړيكې او رابطې ژورې او مضبوطې دي كومې چې د كورونا موجوده چېلنج په ډول هره ستونزه كښې په تول تللې رامخې ته كېږي۔ ده ووئيل په نړيواله كچه د كورونا په ضد مرستې ته چې نن څومره اړتيا ده شايد وړاندې نه وه۔ ده ووئيل په اجتماعي توګه كه ددې عفريت په ضد هڅې ونكړې شوې نو بيا به ددې نتيجې زغمل وي۔ ده ووئيل د صورتحال تقاضا دا ده چې امريكا د كورونا په جنګ كښې د لارښودنې كردار ترسره كړي۔ ده ووئيل امريكا كښې د قيمتي ځانونو په زيان افسوس دے۔ هيله ده چې امريكائي اولس به ډېر زر په روانه وضعه قابو ومومي۔
