اسلام آباد 15 مئي (اے پي پي) د منصوبه بندۍ او پرمختګ وفاقي وزير اسد عمر وئيلي دي مونږ د كوټلې لائحې له مخې مخ په وړاندې تګ كوٶ ٬ مونږ د ټېسټنګ صلاحيت 27 چنده زيات كړے، د اېن ډي اېم اے كردار د ستائنې وړ دے، ميډيا اولس ته د كرونا پحقله كوټلې پېغام رسولې په ھغې د ميډيا مننه كوٶ،مونږ له د توازن پاليسي خپلولو سره د اولس معاشي تحفظ هم باوري كول دي، يو لك ډاكټرانو او طبي عملې ته د حفاظتي سامان د استعمال تربيه وركولې شي۔ وفاقي وزير اسد عمر دا خبرې وزيراعظم عمران خان سره ميډيا ته بريفنګ په مهال وكړې۔ وفاقي وزير ووئيل مونږ د ټېستنګ صلاحيت پرله پسې زياتوٶ، د ټيسټنګ صلاحيت 27 چنده زيات كړے شوے۔ ده ووئيل ميډيا په اولس خبرولو كښې د ذمه وارۍ څرګندونه كوي، مونږ دا ليدلي چې د ميديا د پېغامونو له امله د اولس ژوند ژواك كښې فرق راغلے۔ اسد عمر قام ته د ډاکټرانو لخوا د ښودلو شوو احتياطي تدبيرونو خپلولو هم غږ وكړو۔ ده ووئيل مونږ د لائحې له مخې مخ په وړاندې تګ كوٶ او اولس د كرونا د پرېشانۍ نه بچ كول دي۔ ده ووئيل مونږ وړاندې شپږو اوونيو ته هم ګورو چې څه صورتحال به وي، د ټولو نه زيات دا څيز ضروري دے چې ستاسو حكومت تاسو ته رښتيا اووائي، کاروباريانو مونږ ته ةوئيل چې تاسو آسانۍ پېدا كړې نو مونږ به په اېس او پيز عمل كوٶ۔ وفاقې وزير اسد عمر ووئيل د اېن ډي اېم اے كردار هم د ستائنې وړ دے، د نړۍ ښه ذهن لرونكې زمونږ مرسته كوي۔ وفاقي وزير اسد عمر ووئيل نړۍ دې نتيجې ته رسېدلې چې كرونا سره به ژوند كول زده كول وي، په كرونا قابو موندلو سره به لوږې او د غربت اړخونو ته هم سوچ كول وي، مونږ له متوازن پاليسي خپلولو سره د اولس معاشي تحفظ هم باوري كول دي۔ ده ووئيل مونږ د خپل هېواد شمېرو او صورتحال له مخې پرېكړې كوٶ٬ هېواد كښې د ټېستنګ صلاحيت پرله پسې زياتوٶ۔ده ووئېل يو لك ډاكټرانو او طبي عملې ته به د حفاظتي سامان د استعمال تربيه وركولې شي
