ملګري ملتونه 18 جنوري (اے پي پي) په ملګرو ملتونو كښې د پاكستان سفير منير اكرم وئيلي دي چې د اربونو ډالرو د چين پاكستان د اقتصادي لارې پروژه﴿سي پېك﴾ د شريكې مرستې روښانه مثال دے چې مقصد ئې د پرمختګ او معيشت شريك اهداف ترلاسه كول دي. ده دا خبرې په ملګرو ملتونو كښې د چين او د پرمختګ كوونكو هېوادونو د يو لوي بلاك جي 77 د مشر بدلېدو كلنې دستورې ته په خپله وېنا كښې وكړې. په دې موقع ګيانا ته د اتحاد مشري ورپغاړه كړې شوې. فلسطين د دې نه وړاندې د دې اتحاد مشر و. ده ووئيل چې بايد پرمختګ كوونكي هېوادونو نه د جنوب نه جنوب سره مرسته مستحكم كړي چې دغسې نوې موقعې ولټولې شي او نړۍ ته د پرمختګ متبادل ماډلز وړاندې كړې شي. ده ووئيل چې شريك اهداف ترلاسه كولو لپاره د هڅو زياتولو ضرورت دے. ده ووئيل چې د اربونو ډالرو د چين پاكستان د اقتصادي لارې پروژه﴿سي پېك﴾ د شريكې مرستې روښانه مثال دے چې مقصد ئې د پرمختګ او معيشت شريك اهداف ترلاسه كول دي
