اسلام آباد 13 اپرېل (اے پي پي) د سېنېټ چيئرمېن محمد صادق سنجراني سره پاكستان كښې د چين سفير ياٶ جنګ د پارلمان په ودانۍ كښ ليدلي دي ۔ د ملاقات په مهال د كرونا وائرس له امله د رامخې ته شوې صورتحال سره سره په سيمه ايز او د نړيوال نوعيت په مهمو چارو د خيالاتو څرګندونه وشوه۔ په دې موقع د چين سفير د کرونا وائرس له امله په رامخې ته شوې صورتحال د يوالي څرګندونې كولو سره د چين حكومت لخوا د هر ډول ممكنه مرستې باور وركړو۔ ده ووئيل چين پاكستان سره ولاړ دے۔ د سېنېټ چيرمېن د چين د پوهانو د پلاوي دوره ګټوره ګرځولو سره ووئيل ھغوي د خپلو تجربو نه د پاكستان طبي پوهان او عمله خبر كړې چې په سوب به ئي په پاكستان كښې په کرونا وائرس قابو موندلو له مرسته ترلاسه شي۔ په دې موقع ده ووئيل د پاكستان زده كوٶنكو ته په آسانيو وركولو د چين د حكومت مننه كوٶ۔ صادق سنجراني ووئيل پاکستان او چين په هره سخته كښې د يو بل ملګرتيا كړې ۔ د چين سفير په دې مهال د سېنېټ چيئرمېن محمد صادق سنجراني، پارلمان او د اولس مننه هم وكړه۔
