اسلام آباد 14 اپرېل (اے پي پي) د خارجه وزیر مخدوم شاہ محمود قرېشي د برتانيې خپل همڅنګ ډومېنك راب سره ټېلي فوني تماس نيولې دے ۔ خارجه وزير د برتانیې وزیراعظم بورس جانسن د روغتون څخه كور ته په منتقل كېدو مباركي وركولو سره د ھغه روغ صحت لپاره نېكې هيلې لرلې دي ٬ خارجه وزير د برتانيې حكومت او اولس سره د يوالي او د اوسنۍ وباء په سوب په لويه شمېره د برتانيې د وګړو په ځاني زيان د افسوس څرګندونه هم وكړه۔ شاہ محمود قرېشي په دې موقع ووئيل د برتانيې پشمول د ګردې نړۍ طبي عملې خپل ځانونه د خطر سره په مخ كولو د كرونا وباء د ځپلو رنځورانو درملنه كوي ۔ ده ووئيل د اوسنۍ نړيوالې وباء د چېلنج مخنيوي كښې د كار كوونكو ډاكټرانو او طبي عملې كردار د ستائنې جوګه دے۔ د دواړو خارجه وزيرانو ترمېنځه خپلو هېوادونو ته د ستنېدونكو په طمعه وګړو زر تر زره د ستنېدو په اړه هم تفصيلي خبرې وشوې۔ په دې موقع د برتانيې خارجه وزير د خپلو وګرو وطن ته په ستنېدو كښې په معاونت كولو د پاكستان د حكومت او د خارجه وزير مخدوم شاہ محمود قرېشي خاص مننه وكړه۔ د برتانیې خارجه وزير په دې موقع پاكستان كښې د برتانيې نورو وګړو لپاره د فارثرډ فلاټس رالېږلو اجازه اوغوښتله نو په دې خارجه وزير د صورتحال د نزاکت له مخې د هر ډول ممكنه مرستې باور وركړو۔ شاہ محمود قریشي ووئيل اوسنې نړيواله وباﺀ ګرده نړۍ كښې خپره شوې خو پرمختګ كوٶنكو هېوادونو لپاره د چېلنج مخنيوي ډېر ګران دے زده ووئېل په دې تناظر كښې وزیراعظم عمران خان كمزورو معيشتونو له د اډانې وركولو لپاره په واجب الادا قرض كښې د آسانيو وركولو تجويز وړاندې كړے دغسې چې دغه هېوادونه خپل وسائل د چېلنج مخنيوي او د قېمتي ځانونو بچ كولو لپاره وكارولې شي۔ هيله لرو چې برتانيه به د جي 20 مهم او فعاله غړي په حېث د دې تجويز په وړاندې كولو كښې بشپړه كردار ولوبوي۔ د برتانیي خارجه وزير د قرض د ري سټرېكچرنګ په اړه د تجوير هركلې وكړو۔ دغسې دواړه خارجه وزيران د كرونا نړيوالې وباء موثره مخنيوي لپاره مشاورت دوامداره ساتلو باندې هم اتفاق وكړو
