اسلام آباد 11 مئي (اے پي پي) د هند حكومت لخوا شخړيزه سيمه كښې د سړك جوړولو په سبب د هند او نيپال ترمېنځه كشاله كښې شدت راغلې، د نيپال حکومت د هند په پوله د پوستو او په نورو ځايونو د امنيتي ځواكونو په تعيناتۍ كښې د زياتوالي اعلان كړے ۔ د نيپال خارجه وزير پرديپ ګېوالي د ګل په ورځ په هندۍ پولو د امنيتي پوستو شمېره كښې د زياتوالي او د نورو وسله والو د تعيناتۍ اعلان كولو سره ووئيل هيله لرو هند به په كالا پاني منطقه كښې د هر ډول يو اړخيزه اقدام نه ډډه وكړي او په ماضي كښې په سركاري كچه د خبرو اترو په مهال د شوې پرېكړې تر مخه به د “فکسډ بارډر” اصول تسليم كړي۔ د نيپال خارجه وزير هندۍ ورځپاڼې “دي هندو” ته د ټېلي فون د لارې ووئيل د هند امنيتي انتظامانو په مقابل كښې زمونږ اړخ ته په پولو د پوستو شمېره كمه ده، دا مهال مونږ نزدې 120 پوله اېزې پوستې لرو خو په سباٶن كښې به لس نورې پوستې جوړولې شي او د امنيتي ځواكونو شمېره به زياتوالې ۔ د يادونې وړ ده تېره ورځ د هند دفاع وزير راجناتھ سنګھ په ليپوليخ دره كښې د يو متنازعه لنك روډ پرانسته كړې وه د كومې په ضد چې د کھټمنډو حكومت لخوا زبردست احتجاجي مظاهره شوې وه۔ د نيپال خارجه وزارت هم د دې سړك جوړولو په سختو ټكو غندنه كولو سره په شخړيزه سيمه كښې سړك جوړول د دواړو هېوادونو ترمېنځه د شوې لو ظنامې خلاف ورزي ګرځولې وه
