اسلام آباد 20 جولائي (اے پي پي) د انفارمېشن ټېكنالوجې او ټېلي كميونيكېشن وفاقي وزير سيد امين الحق سره د كشمير او ګلګت بلتستان چارو وفاقي وزير علي امين خان ګنډا پور د ګل په ورځ د هغه په دفتر كښې ملاقات وكړو. په دې موقع د آئي ټي سېكتر شعېب احمد صديقي هم موجود و. وفاقي وزير علي امين خان ګنډاپور د انفارمېشن ټېكنالوجې وزير په آزاد كشمير او ګلګت بلتستان كښې د انټرنېټ او د موبائيل فون نېټ وركس په اړه د ستونزو نه خبر كړو. په دې موقع د انفارمېشن ټېكنالوجې وفاقي وزير سيد امين الحق ووئيل چې د آئي ټي وزارت د هېواد د نورو برخو پشان په آزاد كشمير او ګلګت بلتستان كښې هم د ډېجيټل سروس وركړې لپاره په بشپړه توګه كار كوي. ده ووئيل چې په دې لړ كښې يو شمېر پروژې د ترسره كېدو په پړاٶ كښې دي.
