اسلام آباد 22 اکتوبر (اے پي پي) خارجه وزير مخدوم شاه محمود قرېشي د زيارت په ورځ خپل ازبك همڅنګ عبدالعزيز كميلوف سره ټېلي فوني تماس نيولے۔ د ټېلي فوني تماس په مهال ئې په دوه اړخيزه اړيكو او د سيمه ايز صورتحال پشمول د شريكې خوښې په چارو د خيالاتو څرګندونه كړې۔ دواړو خارجه وزيرانو د پاكستان او ازبكستان ترمېنځه د دوه اړخيزه تجارت حجم زياتولو ته صلاح كړې۔ خارجه وزير ووئيل دواړه هېوادونه د ورورولۍ ژورې اړيكې لري او د دواړٶ هېوادونو مشران دوه اړخيزه اړيكې لا مستحكمولو له عزم لري۔ مخدوم شاه محمود قرېشي د كرونا وباء په مهال په ازبكستان كښې د مېشته پاكستانيانو په خاص خيال ساتلو د ازبكستان خپل همڅنګ مننه وكړه۔ ده ووئيل د پاكستان او ازبكستان ترمېنځه د دوه اړخيزه سياسي مشاورت د پرانستې دور به ډېر زر په اسلام آباد كښې پېل شي۔ دواړو خارجه وزيرانو د پاكستان او ازبكستان ترمېنځه د دوه اړخيزه تجارت زياتولو باندې هم اتفاق وكړو۔ شاه محمود قرېشي ووئيل پاکستان د افغانستان پشمول منطقه كښې امن لپاره د روغې جوړه هلې ځلې جاري ساتلو لپاره عزم لري ۔ دواړو خارجه وزيراونو په مهمو دوه اړخيزه او سيمه ايزو چارو د مشاورت سلسله پرلې پسې جاري ساتلو ته هم اتفاق وكړو
