اسلام آباد 17 جون (اے پي پي) د پاكستان نامتو اداكار او سياستمدار طارق عزيز د 82 كلونو په عمر كښې په حق رسېدلے دے ۔ د ځائي مېډيا له مخې طارق عزيز په كال 1936م كښې زېږېدلے ؤ. هغه خپل فني ژوند په كال 1964م كښې د پاكستان ټيلي ويژن د ابتدائي نشرياتو نه پېل كړے ؤ۔ طارق عزيز يو فلمي اداكار، د ټيلي ويژن شو كوربه او سياستمدار ؤ. د هغه كوئز شو نيلام ګهر په كال 1974م كښې د خپرېدو سره نوم ګټلے ؤ۔ هغه ته په كال 1992م كښې د حسن كاركردګۍ ايوارډ هم وركړے شوے ؤ. هغه د كال 1997م نه تر كال 1999م د قامي اسمبلۍ د غړي په توګه هم خدمات ترسره كړي وو.
