پېښور ۔3اکتوبر (اے پی پی) د خېبر پختونخوا د وزيراعلی د اطلاعاتو او لوړو زده كړو خصوصي مرستيال كامران بنګ د خالي په ورځ د بېلو ميډيا هاؤسز دوره وكړه او بېورو چيفس سره ئې ملاقاتونه وكړل۔ د ملاقاتونو په مهال خبريالانو ته په پېښو مسئلو او په مهاص توګو ميډيا ته پېښو ستونزو خبرې وشوې۔ په دې مهال جاري كړې شوي يو بيان كښې كامران بنګش ووئيل خبريالان د اولس مسئلې رامخې ته كولو كښې خپل بشپړه كردار ترسره كوي او د ميډيا دې كردار سره د اولس مسئلو حل كولو كښې په زړه پورې مرسته ترلاسه كېږي۔ د خبريالانو د مسئلو په اړه خپلو خبرو كښې ده ووئيل د صوبې خبريالانو حكومت سره اوږه په اوږه اودرېدو سره د هر سخت وخت مقابله كړې ده۔ ده ووئيل خېبر پختونخوا كښې د امن چاپېرچل او د سېلګرۍ وده كښې د خبريالانو كردار د ستائنې وړ دے۔
