اسلام آباد 07 ستمبر (اے پی پی) د پاکستان تحریك انصاف د پارلماني غړو مصالحتی کمېټۍ دويمه غونډه د ګل په ورځ د كمېټۍ چئیرمېن خارجه وزير مخدوم شاہ محمود قریشی په مشرۍ كښې وشوه۔ په غونډه كښې د تعليم وفاقی وزیر شفقت محمود، د کشمیر چارو وزير علی امین ګنډاپور، د قومی اسمبلۍ ډپټي سپیکر قاسم خان سوری او د تحریك انصاف سینئر مرکزی نائب صدر ارشد داد ګډون وكړو۔ د تحریك انصاف د پالماني غړو كمېټۍ جوړولو مقصد د ګوند نظم او ضبط قائم ساتلو سره د غړو د ګيلو په وخت ازاله كول او د ګوند اهداف ترلاسه كولو له شريكو رابطو ته وده وركول دي۔ د غونډې په مهال پارلماني غړو او د ګوند قیادت ترمينځه رابطه کار مؤثره كولو له په تجويزونو غور وشو۔ شاہ محمود قریشی ووئيل سیاسی او حکومتی پالیسی او پريكړې كولو كښې د ګوند او پارلمانی نمائندګانو رائې اهميت لري۔ پاکستان تحریك انصاف الحمدللہ تر ټولو د لوئ سیاسی او پارلمانی قوت په توګه رامخې ته شوې۔ ده ووئيل د وزیراعظم عمران خان د ویژن په رڼا كښې ګوند په ټول هيواد كښې منظم او مستحکم كولو له مهم اقدامات پورته كوو۔ تحریك انصاف د منشور په رڼا كښې د ګوند او حکومتی كچه كوټلې تګلاره وضع کولو ته پام لرنه كوو۔ شاہ ممحمود قریشی ووئيل د کمېټۍ په وړومبې غونډه كښې د ترسره شوې تګلارې له مخې د كمېټۍ غړو لخوا په راغليو تجویزونو خبرې اتري وشوې۔ خارجه وزير ووئيل چې د وزیراعظم عمران خان په مشرۍ كښې په منظم ډول خپل اهداف ترلاسه كولو له لوظي يو۔
