اسلام آباد 31 جولائی (اے پی پی) د بهرنيو چارو وزير مخدوم شاه محمود قریشی وئيلي دي د كشمیر په مسئله ټول قام او پارلمان يو موټې دې، هند د كشمیر په مسئله د دريم فریق ثالثی نه مني او نه دوه اړخيزه خبرو اترو له چمتو دے۔ مونږ د هند د اړخه مقبوضه كشمیر ته د نور 10 زره عسكرو لېږلو په اطلاع تشویش لرو، د كشمیر مسئله سوئيلي اسياﺀ كښې د امن په لاره كښې بنیادی خنډ دے، مونږ د افغان امن عمل كښې خپل كردار په نیك نیتۍ سره ترسره كوو خو په ختيزه پوله تاؤ ترېښوالې زمونږ لپاره د تشویش وړ دے۔ د شورو په ورځ د كشمیر كمېټۍ چیئرمېن سید فخر امام سره په خارجه وزارت كښې خبرې كنفرنس ته خپل خطاب كښې خارجه وزير ووئيل د مقبوضه كشمیر په خراب صورتحال د شورو په ورځ په پارلمان كښې د كشمیر كمېټۍ خاص غونډه د چیئرمېن سید فخر امام په مشرۍ كښې په خارجه وزارت كښې اوشوه چې پكښې مونږ د كشمیر په وضعه او د سباؤن په تګلاره تفصیلی خبري كړي۔ ده ووئيل اوسنيو كښې د كشمیر په صورتحال چې كوم نوې نړيوال راپور راوړاندې شوې په هغې هم تفصیلی خبرې شوي۔ ده ووئيل مقبوضه كشمیر كښې چې نن طاقت څنګه كارولې كېږي هغه د افسوس وړ دے۔ د مودی حكومت د پاكستان په مخالفه بیانیه ووټ اخستې او دې لپاره هغه د پاكستان سره د خبرو اترو څخه په شا كېږي۔ ده ووئيل مونږ د هند د اړخه په مقبوضه كشمیر كښې د نورو لس زره عسكرو لېږلو په اطلاع تشویش لرو د كوم په ضد په چې مونږ په نړيواله كچه غږ پورته كوو۔ اولس او پارلمان د كشمیر مسئلې په اړه بشپړ اتفاقِ لري۔ ده ووئېل مقبوضه جمو اوكشمیر كښې د امنيت صورتحال نور هم خرابيدو امكانات شته۔ ده ووئيل مونږ په سوئيلي اسياﺀ كښې امن او استحكام غواړو او مونږ له به د كشمیر مسئلې په شان خنډان لري كول وي۔ده ووئيل هند تر اوسه خبرو اترو له په ذهنی توګه چمتو نه ښكاري۔ هند د كشمیریانو د خپلواكۍ تحریك د ترهه ګرۍ سره د تړلو هڅې كوي خو اوس حقیقت نړۍ ته وړاندې شوې۔د افغانستان په اړه د يوې پوښتنې په ځواب ده ووئيل افغان امن عمل پيل شوې چې پكښې پاكستان خپل مصالحانه كردار ترسره كوي۔ ده ووئېل مونږه واضحه كړې چې پاكستان يواځې دا مسئله نه شي حل كولې،مونږ د افغانستان په اړه د پېښو چیلنجونو څخه خبر يو ځكه مونږ پرله پسې دا وايو چې دا شريكه ذمه واری ده۔ د يوې بلې پوښتنې په ځواب ده ووئيل انصاف او جبر دوه لارې دي او زمونږ لاره د انصاف ده۔ ده ووئيل په كشمیر ټول قام يو موټې دے۔ د كشمیر كمېټۍ چیئرمېن سید فخر امام ووئيل هند د مقبوضه كشمیر آئینی حیثیت ختمول غواړي، بايد مونږ برسلز ،اروپائي ائتلاف ،المان فرانس ماسكو، بیجنګ او دې ډول طاقتونو سره دا مسئله پورته كړو۔ده ووئيل د كشمیر په اړه د امریكې اولس مشر ټرمپ د ثالثۍ وړانديز خوشبينه دے۔ ده ووئېل هند د كشمیر آئینی حیثیت په اړه شق 35 اے كالعدم كول غواړي۔ده ووئيل نن مونږ دا خبره هم شوي چې د اولس مشر ټرمپ د بیان نه پس بايد مونږ دا د پی فائیو هېوادونو سره پورته كړو۔ ده ووئېل هند تر 90 لسيزې د سویت یونین ملګرې ؤ خو په 2005 كښې هغه خپل اړخ بدل كړو او امریكې سره ئې سټریټجك لوظنامه وكړه ۔ ده ووئيل زمونږ پھ هڅو د كشمیر مسئله نړۍ ته ورمخې ته كېږي۔
