اسلام آباد۔1مارچ(اے پی پی) چیف الیکشن کمشنر سکندر سلطان راجہ، ممبران الیکشن کمیشن اتے الیکشن کمیشن دے سارے افسراں تے ملازمین دی طرفوں سابق چیف الیکشن کمشنرجسٹس (ر) سردار محمد رضا دے وݙے صاحبزادے ایڈوکیٹ سپریم کورٹ سردار علی رضا دی وفات تے ݙکھ تے افسوس کیتے ۔ الیکشن کمیشن توں جاری بیان موجب چیف الیکشن کمشنر دعا کیتی اللہ تعالیٰ مرحوم کوں جنت الفردوس اچ اُچا مقام ݙیوے تے گھرآلیں کوں صبر دی توفیق ݙیوے۔
