اسلام آباد۔6اگست (اے پی پی) وزیراعظم محمد شہباز شریف اسلام آباد دے کئی علاقیں اچ مینھ دے بعد نالیں نال لڳدے رہائشی علاقیں اچ چھل دی کیفیت دا نوٹس گھندیں ضلعی انتظامیہ اتے سی ڈی اے کوں لوکاں کوں ریسکیو کرݨ اتے نکاسی آب کیتے اقدامات دی ہدایت کیتی اے۔ وزیراعظم دفتر دے میڈیا ونگ توں جاری بیان موجب وزیراعظم ندی نالیں دے نیڑے تے تلویں علاقیں اچ رہݨ آلی آبادیاں کیتے حفاظتی اقدامات، پاݨی توں کھنڈݨ آلیاں بیماریاں توں تحفظ کیتے شعبہ صحت کوں وی ہائی الرٹ تے رہݨ اتے اقدامات کرݨ دی وی ہدایت کیتی۔ وزیراعظم چھل دی صورتحال اتے لوکاں دے تحفظ کوں یقینی بݨاوݨ و امدادی کارروائیاں دی نگرانی کیتے کمیٹی بݨاݙتی
