اسلام آباد 20 اپریل (اے پی پی) وزیر اعظم عمران خان سره نوموړو علماﺀ كرامو د ملاقات په مهال د لاك ډاؤن په اړه د هغه د مؤقف ملاتړ كولو او د هر ممكنه مرستې باور وركړے۔ د وزیراعظم دفتر میډیا خانګې لخوا جاری شوې بیان له مخې وزیراعظم سره ملاقات كوونكې پلاوي كښې پیر امین الحسنات شاه، پیر شمس بن الامین، پیر نقیب الرحمان، مولانا محمد حنیف جالندھری، مولانا طاهر محمود اشرفی، مولانا حامدالحق حقانی، حافظ غلام محمد سیالوی، علامه راجه ناصر عباس، صاحبزاده پیر سلطان فیاض الحسن، مفتی محمد ګلزار نعیمی، مولانا سید چراغ دین شاه او مولانا ضیاﺀ شاه ګډون كولو ٬ دغسې د ویډیو لنك د لارې د سندھ ګورنر عمران اسماعیل، مفتی منیب الرحمان، مفتی تقی عثمانی هم شريك وؤ۔ د تعلیم وزير شفقت محمود، د مذهبی چارو وزير نورالحق قادری، د اطلاعات او خپرونو خاص مرستياله ډاكټر فردوس عاشق اعوان، د اسلامی نظریاتی كونسل چیئرمین ډاكټر قبله ایاز او نور هم په دې مهال موجود وؤ۔ دغسې علماﺀ كرامو د لاك ډاوَن په اړه د وزیراعظم د موقف بشپړ تائید وكړو او وزیراعظم له ئې د مرستې باور وركړو
