اسلام آباد ۔ 11 مئی (اے پی پی) نېشنل کمانډ اېنډ آپرېشن سېنټر د كورونا وائرس په اړه تازه اپ ډېټ جاري كړے۔ هېواد كښې د كورونا اېكټو كېسونو شمېره 22زره 62 او د مصدقه 30 زره 941 ته رسېدلې ده۔ د تېرو 24 ساعتو په مهال 1476 نوي كېسونه راپور شوي ، د 28 نورو كسانو په حق رسېدو سره په مجموعي توګه د دې وباﺀ د لاسه د مړو شمېره 667 ته رسېدلې ۔ د اېن سي او سي له مخې پنجاب كښې د كورونا كېسونو شمېره تر ټولو زياته ده كومه چې 11 زر568 ده۔ سندھ كښې د كورونا 11زره 480 ،خېبر پختونخواہ كښې 4 زره 669 ٬ اسلام آباد كښې 679 ، بلوچستان كښې 2017, ګلګت بلتستان كښې 442 او آزاد كشمير كښې 86 كېسونه رامخې ته شوي۔ هېواد كښې تر دې دمه 8 زره212 رنځوران جوړ شوي۔ د اېن سي او پي له مخې د كورونا وائرس له امله د مرګ خلې ته د تلو كسانو شمېره 667 ته رسېدلې كومو كښې چې د سندھ 189، پنجاب 197، کے پی کے 245، ګلګت بلتستان 4، اسلام آباد 6 او د بلوچستان 26 رنځوران شامل دي۔ ګرد هېواد كښې د 2 لکه 94 زره 894 كسانو د كورونا ټېسټونه شوي۔ د تېرو 24 ساعتو په مهال د 11 زره 367 كسانو ټېسټونه وكړې شول۔ د هېواد 735 روغتونونو آئسولېشن وارډز كښې 6230 رنځوران داخل دي كومو كښې چې د 290 حالت اندېښمن ښودلې شي۔
