اسلام آباد 19 جنوري (اے پي پي) وزيراعظم عمران خان وئيلي دي چې د مالېزيا وزيراعظم هم زمونږ د حكومت په شان په مېراث كښې پاتې شويو ستونزو سره مخ دے، د اسلامي نړۍ تجربه كار سياستدانان هم هغو ستونزو سره مخ دي، كومو سره چې په پاكستان كښې حكومت مخ دے. د اتوار په ورځ په ټويټر په خپل يو ټويټ كښې وزيراعظم عمران خان ووئيل د مالېزيا وزيراعظم مهاتير محمد هم سياسي مافيا سره مخ دے، سياسي مافيا مالېزيا ديواليه، مقروض او رياستي ادارې تباه كړې دي. وزيراعظم د مالېزيا وزيراعظم مهاتير محمد هغه تحرير هم ټېګ كړے د كوم عنوان چې ” كېرا جان پاكستان هراپان ” دے. په خپل تحرير كښې ده په پاكستان كښې د اتحادي حكومت د اقتدار په سنبالولو د هېواد د صورتحال ذكر كړے چې حكومت كومو ستونزو سره مخ و. مهاتير په خپل تحرير كښې هغه ستونزې د مالېزيا په ګوته كړې دي كومو سره چې د پي ټي آئي حكومت مخ و. ده وئيلي دي چې وزيراعظم عمران خان د كرپشن او بدعنوان اشرافيه په ضد اوږدې هڅې كړې دي.
