اسلام آباد ۔ 19 اپرېل (اے پی پی) د كورونا وائرس په اړه د پارلماني كمېټۍ غونډه نن د ګل په ورځ پارلېمنټ هاؤس كښې كېږي۔ د قومي اسمبلۍ سپيكر اسد قېصر به د 25 كسيزه پارلماني كمېټۍ غونډې مشري كوي۔ قامي روغتيا لپاره د وزيراعظم خاص مرستيال ډاكټر ظفر مرزا او د روغتيا صوبائي وزيران به د روغتيا كمېټۍ تېرې غونډې په سفارشاتو د عملدرآمد راپور وړاندې كوي۔ د وزيراعظم د قامي روغتيا خصوصي مرستيال او د روغتيا صوبائي وزيران به د خپلو صوبو په كچه د كورونا روانې وضعې په اړه كمېټۍ ته بريفنګ وركوي۔ د صنعت وفاقي وزير حماد اظهر، د وزيراعظم خاص صلاحكاران ډاكټر عبدالحفیظ شېخ او عبدالرزاق داؤد به د كمېټۍ په تېره غونډه كښې په وركړې شويو سفارشاتو د عملدرآمد راپور وړاندې كوي۔ دغسې د نېنشنل ډیزاسټر مېنجمنټ اتھارټی چیئرمېن لېفټېننټ جنرال محمد افضل هم د كمېټۍ په تېره غونډه كښې په وركړې شويو سفارشاتو د عملدرآمد راپور وړاندې كوي۔ غونډه كښې به د كمېټۍ غړي د وېډيو كنفرنس د لارې هم ګډون كوي۔ د كمېتۍ دا ننۍ غونډه به درېمه غونډه وي۔ پارلیمانی کمېټي د كورونا وائرس په اړه د چارو جاج اخستو ٬ مانيټرنګ او څارنې له جوړه كړې شوې ده۔ پارلماني كمېټۍ كښې قومي اسمبلۍ څخه 12 او سېنېټ څخه 13 پارلماني لارښود شامل دي
