اسلام آباد 26 فروری (اے پی پی) خارجه وزير شاہ محمود قریشی وئيلي دي چې د هند يو اړخيزه اقدامات سيمه كښې امن لپاره خطر دې، د كشمير مسئلې په اړه ټول قام يو موټې دې، ترهه ګرۍ ته ماتې وركولو له قام په خپل پوځ وياړ لري، پاکستان به تر خپلواكۍ حق ترلاسه كيدو د كشميريانو سیاسی،سفارتی او اخلاقی حمایت روان ساتي۔ ده د ګل په ورځ د هندي جارحیت په يو كال پوره كيدو دستورې ته وينا كوله۔ وزیراعظم عمران خان د دستورې مشر ميلمه ؤ دغسې سرلښكر جنرال قمر جاوید باجوہ او ایئر چیف مجاهد انور خان ،وفاقی وزرران، اعلیٰ سول او عسکری چارواكو هم پھ دستوره كښې ګډون كولو۔ خارجه وزير ووئيل په 26 فروری 2019ء د هند جارحانه اقدام په ضد پاکستان د ذمه وارۍ او زغم څرګندونه كړي او په 27 فروری ئې د هندي جارحیت موثره ځواب وركړې۔ خارجه وزير په ډاګه كړه چې پاکستان د ټولو ګاونډيانو سره د امن خوښې لري خو د هېواد په دفاع په څه ډول سودا نه شي كولې۔ پاکستان يو امناكه هېواد دې او چا سره هم جنګ نه غواړي ٬ زمونږ وړومبې پیغام ؤ چې هند دې د كوم هم جارحیت په اړه سوچ نه كوي۔ده ووئيل د هند پائلوټ بيرته وركولو د وزیراعظم اقدام په نړۍ كښې ستائلې شوي۔ شاہ محمود قریشی ووئيل نړۍ ګوري چې پاکستان د کرتار پور راهدری پرانستلې ده او هند د اقلیتونو او پھ خاص توګه د مسلمانانو ژوند تنګ كړې او د جومات سپكاوې ئې كړي۔ خارجه وزير ووئيل پاکستان افغانستان كښې امن لپاره مرسته كوي،پاکستان اول نه دا موقف ؤ چې د افغان شخړې كوم پوځي حل ممكن نه دې۔ پاکستان د افغان امن عمل كښې د بشپړه سهولت کارۍ کردار ترسره كړې كوم چې په نړيواله كچه ستائلې شوي۔ ده ووئيل هند بابری جومات شهيد كړې او پاکستان کرتارپور راهداری جوړه كړي،د تيرو 24 ساعتونو په مهال نوې ډيلې كښې فسادات پيل شوي۔ د کشمیر په اړه خارجه وزير ووئيل مقبوضه کشمیر په نړيواله كچه يوه منلې شوي شخړيزه سيمه ده۔ د كشمير مسئلې په اړه ټول قام يو موټې دې۔ حکومتونه او د ادارو مشران بدلېږي خو په كشمير يو موقف لرو۔ده ووئيل مقبوضه کشمیر كښې د 05 اګست 2019ء هندي اقدامات غیر قانونی دي۔ حکومت د كشمير مسئله په نړيواله كچه پورته كولو كښې مهم كردار ترسره كړې او حکومتی هڅو سره د ملګرو ملتونو د بشري حقونو کمېشن مقبوضه وادی دوه راپورونه جاری کړي دغسې اروپائي پارلمان كښې د مقبوضه کشمیر په صورتحال بحث شوې۔د امریکې کانګرس كښې هم په دې دوه وارې بحث شوې۔ هند د کشمیریانو د خپلواكۍ حق تحریك ته زيان رسولو كښې ناکامه شوې۔
