اسلام آباد 25 اګست (اے پي پي) د وزيراعظم د سي ډي اے چارو خاص مرستيال علي نواز اعوان او د پي ټي آئي سېكرټري جنرل عامر محمود كياني د نهې په ورځ د پېر ودهائي سبزۍ منډۍ لنګر خانې دوره كړې. په دې موقع د پي ټي آئي كاركنان هم موجود وو. دواړو مشرانو د لنګر خانې د انتظامات جاج واخست. په دې موقع د وزيراعظم خاص مرستيال ووئيل حكومت خپلو وګړو ته ډوډې او چت وركوي. د دې نه وړاندے كله هم داسې نه دي شوي. دوي په لنګر خانه كښې انتظامات د ډاډ وړ وګرځول او د لنګر خانې د امنيتي صورتحال جاج ئې هم واخست. د وزيراعظم خاص مرستيال په لنګر خانه كښې په خپله هم ډوډې وخوړله او د ډوډې معيار ئې هم د ډاډ وړ وګرځولو. په دې موقع د پي ټي آئي سېكرټري جنرل عامر محمود كياني ووئيل غريب اولس ته وړيا ډوډې وركول د وزيراعظم عمران خان وژن دے. ده ووئيل د غريبانو د خدمت لړې او هڅې به روانې ساتو.
