اسلام آباد 03 ستمبر (اے پي پي) وزياعظم عمران خان اسلام آباد او خوا اوشا سيمو كښې د منصوبه بندۍ نه غېر د آبادۍ خپرېدو مسئلې حل كولو او د صحت او تعليم سهولتونه په ترجيحي بنيادونو وركولو لپاره د اقداماتو امر سره وئيلي دي پلازمينه كښې دې ماډل سټي جوړولو ته بشپړه پاملرنه وكړې شي۔ دا خبرې وزيراعطم د زيارت په ورځ اسلام اباد كښې د ټرانسپورټ، د څښلو اوبو او د پرمختيائي منصوبو په اړه د غونډې مشري كولو په مهال كړې۔ په غونډه كښې د منصوبه بندۍ وفاقي وزير اسد عمر، مرزا شهزاد اکبر، خاص مرستيال سيد ذوالفقار عباس بخاري، خاص مرستيال علي نواز اعوان، راجه خرم شهزاد، د سي ډي اے چيئرمېن او نورو لوړ پورو ګډون وكړو۔ د وزيراعظم آفس ميډيا ونګ له مخې په غونډه كښې د اسلام اباد وګړو ته د رامخې ته مسئلو لكه د څښلو پاكو اوبو٬ د ټرانسپورټ مسئلو او د صحت او تعليم پحقله په پرمختيائي منصوبو غور وشو٬ د زير التوا اسلام آباد ائيرپورټ ميټرو بس منصوبې د اړوند چارو او د خنډانو په لرې كولو غور وشو۔ د سي ډي اے چيئرمېن لخوا د اسلام آباد په كليوالو سيمو كښې د بېلا بېلو پرمختيائي منصوبو په اړه وزيراعظم ته بريفنګ وركړے شو۔ په غونډه كښې د اسلام آباد ائيرپورټ مېټرو بس منصوبې بشپړېدو، د انتظام او د ټرانسپورټ اړوندو چارو په اړه اسلام آباد كښې د ماس ټرانزټ اتھارټۍ جوړولو پرېكړه وشوه۔ وفاقي پلامينه كښې د اوبو كمې ترسره كولو پحقله وزيرِ اعظم امر وكړو چې د غازي بروتھا څخه اسلام آباد ته د اوبو د سپلائۍ په منصوبې د عملدرآمد رفتار دې ګړندے كړے شي۔ وزيراعظم غونډې ته خپله وېنا كښې ووئيل وفاقي پايه تخت ماډل سټي جوړولو ته دې بشپړه پاملرنه وكړې شي او په دې لړ كښې دې د صحت او تعليم په سهولياتو كښې بهترۍ له خاص اقدامات وكړې شي۔ وزيرِ اعظم امر وكړو اسلام آباد او خوا اوشا سيمو كښې د منصوبه بندۍ نه غېر د آبادۍ خپرېدو په مسئله دې په ترجيحي بنيادونو غور وكړې شي۔ وزيراعظم عمران خان ووئيل د ګرين ايرياز تحفظ د حكومت په ترجيحاتو كښې شامل ده ٬ په دې لړ كښې د تجاوزاتو مخنيوې هم باوري كړئ
