اسلام آباد 24 جولائي (اے پي پي) د حکومت لخوا د كرونا نه پس بېلا بېلو څانګو لپاره د 1240 اربه روپو ريليف فنډز تفصيلات قامي اسمبلۍ ته وړاندې كړې شوي۔ د جمعې په ورځ قامي اسمبلۍ كښې د پوښتنو دمې په مهال د وزيراعظم صلاحكار بابراعوان غونډې ته ووئيل اېمرجنسي رسپارنس لپاره 190 اربه روپۍ، اېن دي اېم اے لپاره 25 اربه ، طبي سامان او کارکنانو لپاره 50 اربه ، هنګامي فنډز له 100 ارب او وګړو لپاره د ريليف په لړ كښې 570 اربه روپۍ اېښودې شوي٬ د زراعت ايمرجنسي لپاره 277 اربه روپۍ او اېس اېم ايز لپاره 100 اربه روپۍ اېښودې شو۔ده ووئېل خواري كښو لپاره 200 ارب٬ غېر محفوظه كورونو او د پناه ځايونو لپاره 150 ارب روپۍ اېښودې شوي۔ ده ووئيل د پټرول او ډيزلو ريليف لپاره 70 اربه روپۍ، يوټيلټي سټورز لپاره 50 ارب او د برېښنا بلونو موخر ادائيګۍ لپاره سل اربه روپۍ اېښودې شوي۔ د غنمو كروندګرو ادائيګې لپاره 280 اربه روپۍ او برآمد كوٶنكو لپاره 100 اربه روپۍ ه ماېښودې شوي۔ د يوې پوښتنې په ځواب ده ووئيل حق دارو ته د مروجه طريقه كار له مخې په سپېځلې ډول مرسته وركړے كېږي۔
