اسلام آباد ۔ 28 جولائی (اے پی پی) د احساس اېمرجنسی کېش پروګرام ترسېوري لاندې په صوبائی او سيمه ايزه كچه تر دې دمه د وېشلې شوي رقم تفصيل جاري كړې شوے دے۔ تر دې دمه ګرد هېواد كښې د يو كروړ 32 لكه 68 زره نه زياتو مستحقو وګړو ترمينځه 160 اربه 51 کروړه نه زيات رقم وېشلے شوے دے۔ سندھ كښې 40 لکه 34 زره نه زياتو كسانو ته 48 اربه 63 کروړه روپۍ وركړې شوي دي۔ پنجاب كښې 59 لکه 64 زرنه نه زياتو كسانو ته 72 اربه 16 کروړه ٬ خېبرپختونخوا كښې 22 لکه 35 زره نه زياتو كسانو ته 27 اربه 14 کروړه ٬ بلوچستان كښې 6 لکه 54 زره نه زياتو كسانوته 7 اربه 94 کروړه ٬ ګلګت بلتستان كښې 95 زره نه زياتو كسانو ته 1 ارب 17 کروړه نه زياتې ٬ آزادکشمیر كښې 2 لکه 16 زره نه زياتو كسانو ته 2 اربه 64 کروړه او اسلام آباد كښې 67 زره نه زياتو كسانو ته 81 کروړه نه زياتې روپۍ وركړې شوي دي۔
