اسلام آباد 24 جون (اے پي پي) د وزيراعظم د سياسي چارو خاص مرستيال ډاكټر شهباز ګل وئيلي دي نن د هوابازې وزير په قومي اسمبلۍ كښې د پي آئي اے د پېښې عبوري راپور وړاندے كړے، د ماضي قريب د پېښو ډېټا په كتلو دا واضحه شوې چې د دې پېښو اصل وجه زمونږ د پائيلوټانو غېر ذمه واره رويه ده، په يو شمېر څيزونو كښې د تربيې كمې هم دے خو اصل مسئله د رويې ده. د شورو په ورځ په خپل يو ټويټ كښې ده ووئي پالپا په هر صورت د پائيلوټانو د تحفظ عادت خپل كړے. په ګلګت كښې د الوتكې د پېښې ذمه وارې مېرمنې پائيلوټې ته يوازې د 6 مياشتو الوتكې نه چلولو د بندېز سزا وركړې شوې. بايد دا كلچر بدل كړے شي. ډاكټر شهباز ګل ووئيل د يونين لخوا د غلطۍ كوونكو د بچ كولو رويه درسته نه ده او نه جعلي ډګرې او جعلي لائسنس لرونكو ته د ملازمتونو وركولو رويه درست ده. اوس به مونږ ته غلطي كوونكو له سزاګانې وركول وي
