اسلام آباد ۔ 11 اپرېل (اے پی پی) حبيب بېنك لمېټډ (اېچ بي اېل) به د احساس اېمرجسني پروګرام ترسېوري لاندې ګرد هېواد كښې 7.5 ملین كورنيو له 90 اربه روپۍ وركوي ۔ وفاقي حكومت د وزيراعظم عمران خان په مشرۍ كښې د ورځې اجرت په بنياد كار كوؤنكو او د كورونا وباﺀ ځپلې شوو طبقو مالي مرستې له احساس اېمرجنسی کېش پروګرام پېل كړې ولې اېچ بی اېل دې نه وړاندې د ګرد هېواد مستحقو مېرمنو ته د كفالت پروګرام ترسېوري لاندې د روپو وركولو فرض ترسره كوي۔ د اېچ بي اېل صدر محمد اورنګزیب ووئيل د پاكستان په تاريخ كښې احساس اېمرجنسی کېش پروګرام د سماجي تحفظ تر ټولو لوي پروګرام دے چې ترسېوري لاندې ئې حبیب بېنک سندھ، بلوچستان، پنجاب او وفاقی سيمو كښې نزدې ً 75 لکه مستحقو كورنيو له 90 اربه روپۍ وركوي۔ د پروګرام ترمخه به هرې يوې كورنۍ له 12 زره روپۍ وركولې شي۔ ده ووئيل بېنك دې نه وړاندې 30 لكه كورنيو ته د كفالت پروګرام د لارې د روپو وركولو فرض ترسره كوي
