اسلام آباد 15 جون (اے پي پي) د نشه اي توكو وفاقي وزير سېنېټر اعظم سواتي وئيلي دي په ډېر سخت صورتحال كښې مو متوازن بجټ وړاندې كړے ٬ يو نوے ټېكس نه دې لګولے شوے٬ د اجاره دارې ډلې په ضد به سخته كاروائي كېږي٬ چا سره به رعايت نه كېږي٬ د كرپشن خاتمې لپاره د فرق نه غېر احتساب پكار دے۔ د كال 2013 نه پس په وړمبي ځل حكومت تېر كال د 250 اربه روپو ټېكس ريفنډ وركړے، اېف بي آر د پاکستان د تاريخ بدعنوانه اداره ده، زياتره چارواكي اولس لپاره نه بلكې ځان لپاره په پېسو جوړولو كښې بوخت دي۔ د ګل په ورځ په سېنېټ كښې د مالي كال 21-2020 په بجټ بحث ده ووئيل دا مهال د هيواد مالياتي صورتحال زيات نازك دے، د تېر حكومت په دور كښې د كرنټ اكاٶنټ خساره د شل اربه ډآلرو نه زياته وه،په پنځو كالو كښې په برآمدات كښې اضافه نه وه شوې، بهر هېواد څخه درآمدات كېدل او ځائي صنعتونه تباهۍ پلو روان وو۔ده ووئېل د روپۍ قدر په مصنوعي ډٶل په ځاې ساتلے شوے ٶ، سرکاري ادارې پرله پسې په زيان روانې وي او 13 كهربه په دې ادارو خرڅ كېدلې۔ ده ووئيل د كال 2013 نه س يو ټېكس ريفنډ نه ٶ وركړے شوے، په وړمبي ځل زمونږ حكومت تېر كال د 250 اربو روپو ريفنډ وركړے۔ ده ووئيل ما په كابينه كښې هم وئيلي دي اېف بي آر د هېواد د تاريخ بدعنوانه اداره ده، د خپل حكومت نه غوښتنه كوم چې اداره د كرپشن نه بچ كولو لپاره مونږ له آټو مېشن پلو تلل پكار دي۔ ده ووئيل په ماضي كښئ ضمني ګرانټس وركړے كېدل
