اسلام آباد 27 اګست (اے پي پي) د بشري حقونو وفاقي وزيرې ډاكټر شیریں مزاري او د اړوند وزارت وفاقي سېكرټرې رابيعه جوېري آغا “د پاكستان په زندانونو كښې د مېرمنو حالت زار په اړه رپورټ” وزيراعظم ته وړاندې كړے ۔ په دې رپورټ كښې په هېواد كښې د مېرمنو بنديوانو د حقونو تحفظ لپاره ضروري قانون سازي، پالیسۍ او د تربيې اصلاحاتو په لړ كښې مهم مشاهدات او سفارشات شامل دي ۔ د زيارت په ورځ د بشري حقونو وزارت لخوا د جاري خبر پاڼې له مخې سږ كال د مئي په 29مه نيټه وزیر اعظم عمران خان د پاکستان په زندانونو كښې د مېرمنو حالت زار مطالعې او تحقيقات لپاره يوه كمېټي د وفاقي وزيرې ډاكټر شېريں مزاري په مشرۍ كښې جوړه كړې وه ٬ د كمېټۍ په نورو غړو كښې د بشري حقونو سېكرتري ٬ د داخله وزارت سېكرټري ، د پنجاب داخله سېكرټري ٬ د خېبر پښتونخوا هوم سېكرټري٬ د ګلګت بلتستان داخله سېكرټرې، د پنجاب٬ خېبرپښتونخوا٬ سندھ٬ بلوچستان ګلګت بلتستان د جېل خانه جات انسپكټر جنرلز، او حیا ایمان زاهد (لیګل ایډ سوسائټي) شامل دي ٬ كمېټۍ خپل رپورټ په څلورو مياشتو كښې وزیر اعظم ته وړاندې كړے۔ په دې رپورټ كښې د سماعت كونكو مقدمو كښې د بنديانو تناسب د كمولو په ضرورت هم رڼا اچولې شوې ٬ په رپورټ كښې د مېرمنو بنديوانو لپاره د سزا متبادل او غېر حتمي اقدامات تجويز كول ، د ګرد هېواد په زندانونو او بېركونونو كښې د بنديوانو مېرمنو استوګنې او د تعليم او بحالۍ پروګرامونو كښې بهتري راوستل، د زندان په قوانين نظر ثاني كول ، د بشري حقونو د خلاف ورزو او د انسانيت سوز ضرورتونو د انفرادي معاملو جاج اخستل، د عملې تربیه ، د ذهنی صحت چارو مقابله كول او د خوشې كېدو نه پس د پروګرامونو جوړولو سفارش شوے۔ د كمېټۍ لخوا د جاري شمېرو له مخې دا معلومېږي چې د پاكستان په ټولو زندانونو كښې په مجموعي توګه 73,242 بنديوانانو كښې1121 مېرمنې هم شاملې دي كومې چې د زندان د آبادۍ 1.5 فيصده دي۔ د پنجاب په زندانونو كښې 727 ٬ سندھ كښې 205 ، خېبرپښتونخوا كښې 166 ، بلوچستان كښې 20 او ګلګت بلتستان كښې درې مېرمنې په زندانونو كښې بنديوانې دي۔ د دې نه علاوه 134 مېرمنو سره خپل ماشومان هم په زندان كښې اوسېږي او د دې كوچنيانو مجموعي شمېره 186 ده٬ په دې كښې 46 مېرمنې بوډې ګانې دي او لس په كښې نابالغه جينكۍ دي اودې كښې نزدې 300 پخپلو آبائي ضلعو كښې بندي دي۔ د نزدې ډي اېچ كيو ډاكټرانو د دورې نه علاوه د دې بنديانو صحت او غذائي ضرورتونه ترسره كولو لپاره 24 ښځينه طبي عمله موجود ده۔ كمېټۍ د سوالنامو د دوو پړاٶنو د لارې بنيادي شمېرې راغونډې كړي او د ترلاسه تحقيق ئې جامع جاج اخستے
