اسلام آباد ۔ 17 اكتوبر (اے پی پی) يو اېن اېچ سي آر پاكستان ګرد هېواد كښې كووېډ 19 ځپلې شويو رجسټرډ افغان كډوالو لپاره د احساس اېمرجنسي كېش پروګرام په ډول د مالي مرستې پروګرام د پاكستان پوسټ په مرسته روان ساتلے دے۔ دې لړ كښې په څلورو واړو صوبو او اسلام آباد كښې د رجسټرډ افغان كډوالو 21 زره نه زياتو مستحق كورنيو ترمينځھ د مرستې رقم وېشلے شوے دے۔ د اتوار په ورځ د يو اېن اېچ سي آر وياند قېصر خان اے پي پي سره خبرو كښې ووئيل د پاكستان حكومت د سېفران داخله او خارجه وزارت په مرسته پاكستان كښې رجسټرډ افغان كډوالو ته كوم چې د كورونا لاك ډاؤن د لاسه سخت ځپلې شوي دي هغوي ته یو اېن اېچ سی آر پاکستان د پاكستان پوسټ په مرسته 12 زره روپۍ هرې يوې كورنۍ ته وركوي۔ ده وئيل د بلوچستان كوئټه ښار ٬ خېبر پختونخوا صوبه او اسلام آباد كښې هم د پاكستان پوسټ په مرسته د 36 زره مستحق رجسټرد افغان كورنيو ترمينځھ د كورنۍ په سر 12 زره روپۍ وېشلې شي۔ ده وئيل د افغان كډوالو رجسټرډ 31 زره كورنيو ته د كورنۍ په سر 12 زره روپۍ وركړې شوي دي
