كوئټه 11 ستمبر (اے پی پی) د وزيراعظم عمران خان په مشرۍ كښې بلوچستان كښې د بارانونو او سېلاب دلاسه د شوي ځاني او مالي زيان٬ د بحالۍ اقداماتو او بلوچستان كښې په روانو او د سباؤن په پرمختيائي منصوبو د پېشرفت جاج اخستو غونډه د جمعې پھ ورځ وشوه۔ د دفاعي پیداوار وفاقي وزيرې زبيده جلال٬داطلاعاتو او خپرونو وفاقي وزير سېنېټر شبلي فراز٬د منصوبه بندۍ او پرمختګ وفاقي وزير اسد عمر٬د قامي اسمبلۍ ډپټي سپيكر قاسم خان سوري٬د بلوچستان اعلٰی وزير جام كمال خان٬صوبائي وزيرانو٬د اېن ډي اېم اے چيئرمېن لېفټيننټ جنرل محمد افضل٬ چيف سېكرټرې او نورو اعلٰی چارواكو په غونډه كښې ګډون كولو۔ د وزيراعظم مېډيا آفس له مخې د بلوچستان چيف سېكرټري د صوبې بېلو برخو كښې د اوسنو بارانونو صورتحال٬د ځاني او مالي زيان٬د انفراسټركچر بحالۍ د اولس د طبي آسانيو٬د راشن رسنې او د رېليف هلو ځلو په لړ كښې د پورته كړی شويو ګامونو په اړه بريفنګ وركړو۔ غونډې ته ووئيل شؤ چې د اګست مياشتې پیل څخه صوبه كښې بېړنې حالت په ځاې كړی شوې وو٬د صوبې بېلو ضلعو كښې د ابتدائي وارننګ انتظام شوے او رېليف كېمپونه جوړ كړې شوي وو۔ د پاك پوځ لخوا د هېوي مشينرۍ او رېسكيو سپورټ رسنه باوري كړې شوې وه۔ د سړكونو پلونو٬نهرونو او بندونو د بحالۍ كار روان دے۔بريفنګ كښې ووئيل شو چې د رېليف زياتره كار ترسره شوے دے۔غونډې ته د كورونا وباﺀ صورتحال پھ اړه چيف سېكتر د مارچ او ستمبر مياشتو ترمينځھ موازنه وړاندې كړه۔ ده ګډون كونكو ته ووئيل چې دا مهال صوبه كښې د كورونا 886 اېكټيو كېسونه دي۔ غونډه كښې ګډون كونكي بلوچستان كښې په روانو او د سباؤن په پرمختيائي منصوبو د كار پیشرفت څخه هم خبر كړی شول۔ د پرمختيائي منصوبو حوالې سره 24 نوې قانونه جوړولې او 11 پخوانو قانونو كښې بدلون راوستلې شي۔ كال 2019 كښې 2550 كلوميټر اوږده سړكونه جوړ كړې شول۔ د توان نوې منصوبې٬د انډسټريل سټېټس جوړول د نوې كالجونو او سپورټس كمپليكس جوړول٬د كينسر روغتون جوړول٬د كركيلې منصوبو لپاره د فنډز رسنه٬ګوادر سمارټ سټي٬پنځه ساحلي پاركس جوړل او پھ فيډر كينال د 18 بندونو جوړولو په لړ كښې د پورته كړی شويو ګامونو نه غونډه خبر كړی شوه۔ وزيارعظم عمران خان سېلاب څخه پھ شوي ځاني او مالي زيان د افسوس څرګندونه وكړه۔ده د صوبائي حكومت لخوا پورته كړی شوي رېليف ګامونه وستائېل۔ده په بندونو كښې د اوبو د اطمينان وړ په صورتحال د اطمينان څرګندونه كولو سره ووئيل صوبه كښې د نوې بندونو جوړېدو سره د كركيلې څانګه كښې د پرمختګ ډېر امكانات رامخې ته كېدې شي۔وزيراعظم د كچي كنال په اهميت زور راوړولو سره ووئيل د اوبو مسئلې له امله كچي كنال د صوبې پرمختګ لپاره ډېر مهم دې۔وزيراعظم پھ بلوچستان كښې د پرمختيائي منصوبو ترجيحات مرتب كولو او هغه منصوبو ته د ترجيح وركولو هدايت وكړو كومې چې ويلتھ كري اېشن وي ٬ ورسره د روزګار موقعې پیدا شي او وروستو پاتې سيمې پرمختګ وكړې شي۔وزيراعظم په دې لړ كښې د وفاقي حكومت لخوا بشپړه مرسته كولو له د خپل لوظ پخلي كولو سره ووئيل پي اېس ډي پي كښې چې څومره فنډز بلوچستان له بېل كړی شوي دي كومې بلې صوبې له نه دي۔د پاكستان تحريك انصاف حكومت د بې وزله طبقو خېرښېګړی او د وروستو پاتې سيمو پرمختګ او خوشحالۍ ايجنډا ترسره كولو پلو روان دے
