اسلام آباد 20 اكتوبر (اے پی پی) د اقتصادی چارو وفاقی وزیر مخدوم خسرو بختیار وئيلي دي د پاكستان حكومت ډھانچه جاتی اصلاحات پروګرام مخ په وړاندې بوتللو له لوظي دے۔ده دا خبره د ورلډ ېبنك (نړيوال بېنك) او ائې اېم اېف كلنې غونډې په موقع ورچوئل غونډو كښې د پاكستاني پلاوي مشري كولو كښې وكړه۔ د پاكستان پلاوي كښې د وزیراعظم د پټرولیم خاص مرستيال ندیم بابر ، د سټيټ بېنګ ګورنر او ډپټی ګورنر او د اقتصادی چارو وزارت ، د خزانې وزارت ، د اېف بی آر او امریكا كښې د پاكستان سفارت اعلی چارواكي شامل وؤ۔ د پاكستانی پلاوي وړومبنۍ ورچوئل غونډه سوئيلي اسياﺀ سيمې لپاره د نړيوال بېنك نائب صدر هارتھ شیفر سره وشوه۔ د نړيوال بېنك نائب صدر كووېډ۔19 وبا مخنيوي لپاره د پاكستان كوټلې هڅې وستائلې۔ ده د حكومت د اړخه او په خاص توګه د برېښنا ، ګورننس او مالیاتی څانګو كښې اصلاحات پروګرام ستائلو سره ووئيل د دې په نتيجه كښې به پاكستان كښې اقتصادی نمو او د كووېډ۔19 بحالۍ عمل ته وده ترلاسه شي۔ ده ووئيل په هر سخت وخت كښې به نړيوال بېنك د پاكستان سره مرسته روانه ساتي۔ غونډه كښې د ورلډ بېنك په پاكستان كښې د روانو او د سباؤن منصوبو جاج هم واخستلے شو۔ وفاقی وزیر په مستقل مرسته د نړيوال بېنك مننه وكړه۔ وفاقی وزیر د كورونا ویكسین په اړه د پرمختګ كوونكو هيوادونو لپاره د نړيوال بېنك د 12 اربه ډالره مجوزه منصوبه وستائله۔ د وفاقی وزیر په تجویز د بېنك نائب صدر باور وركړو چې د اصلاحاتو روان عمل له به بېنك خپله مرسته كوي۔ د پاكستان پلاوي د ورلډ فنانس كارپوریشن اسياﺀ او بحر الكاهل سيمې لپاره نائب صدر الفانسو ګارسیا سره هم ورچوئل غونډه وشوه۔ وفاقی وزیر د آئی اېف سی د اړخه پاكستان كښې پيل كړې منصوبې وستائلې۔ وفاقی وزیر په خاص توګه بنیادی ډھانچه ، هاؤسنګ او سېلګرۍ څانګو كښې د آئی اېف سی سرمایه كارۍ كښې د زياتوالې په حاجت زور راوړو۔ وفاقی وزیر ووئيل موجوده حكومت د نجی څانګې د لارې د ودې عمل مخ په وړاندې بوتلل غواړي۔ ده ووئيل د كووېډ۔19 په دور كښې آئی اېف سی بايد پاكستان كښې د كوچني او مينځنۍ درجې كاروبار معاونت وكړي۔ دغسې د آئی اېف سی نائب صدر د پاكستان دورې په بلنه د وفاقی وزیر مننه وكړه
