مستقبل اچ معاشی میدان اچ بہوںسخت مقابلے دا سامنڑاں تھیسی ‘ جدید علوم تے توجہ نہ ڈتی تاں اساں دنیا دا مقابلہ کائناں کر سگسوں
اسلام آباد ۔ 27 جنوری (اے پی پی) وزیراعظم محمد نواز شریف آکھیا ہے جو مستقبل اچ معاشی میدان اچ بہوںسخت مقابلے دا سامنڑاں تھیسی ‘ جدید علوم تے توجہ نہ ڈتی تاں اساں دنیا دا مقابلہ کائناں کر سگسوں،پورے ملک دے تعلیمی اداریں کوں جدید سہولتاںتے طالب علماںکوںجدید علوم نال آراستہ کیتا وینداپے ۔اے جمعے کوں وزیراعظم آفس اچ 21ویں صدر سانگے پاکستان دی تیاری دے موضوع تے تقریب اچ خیالاں دا ظہار کریندے پے ہن ۔تقریب دا اہمتام پاکستان الائنس فارمیتھ اینڈ سائنس کیتا ہی ایں اچ وفاقی وزیر پٹرولیم تے قدرتی وسائل شاہد خاقان عباسی ‘ وفاقی وزیر فوڈ سیکیورٹی سکندر حیات بوسن ‘ وزیراعظم دے معاون خصوصی امور خارجہ طارق فاطمی ‘ وزیر سرمایہ کاری مفتاح اسماعیل دے علاوہ ارکان اسمبلی ‘ماہرین تعلیم اتے غیر سرکاری تنظیماں دے نمائندیں وڈی تعداد اچ شرکت کیتی ۔وزیراعظم محمد نوازشریف آکھیا جوتعلیم دا موضوع بہوں اہمیت دا حامل ہے ‘ریاضی اتے سائنس اساں سانگے اجنبی اصلاحات کائنی انہاں علوم دیاں پاڑاں بہوں جھکیاں ہن ، مستقبل دا دارومدار انہاں علوم اچ مہارت تے ہے ۔ انہاں آکھیا جو اساں ایجھے خطے اچ رہندوں جیں دی تہذیب تے ورثہ صدیاںپرانڑے ہن تے تہذیب مختلف علوم اچ مہار ت دی حامل ہن ۔انہاں آکھیا جو دنیا اچوں جہالت دا اندھارا مکاونڑ سانگے نبی کریم ﷺ دا ظہور تھیا ۔ طبیعات ‘ریاضی‘ حیاتیات سمیت مختلف شعبیں اچ بو علی سینا ‘ البیرونی ‘ جابر بن حیان جیہوجے سائنسدانوں سائنسی طرز فکر دی بنیاد رکھی ۔ اسلامی تہذیب تے تمدن اچ انہاں دا کلیدی کردار رہیا ۔ایندے توں پہلے ڈاکٹر صبیح انور ‘ ڈاکٹر کلثوم حیات ‘ مشرف زیدی ‘ جبران سیٹھی اتے شہزاد رائے وی تقریب توں خطاب کیتا تے ریاضی اتے سائنس دی تعلیم دے حوالے نال شائع تھیونڑ آلی رپورٹ بارے اظہار خیال کیتا ۔
