دوشنبه۔2جولائی(اے پی پی) وزیراعظم شهباز شریف له پاکستاني پلاوي سره په دوه ورځنۍ دوره دوشنبه ته ورسېد۔ د وزيراعظم آفس ميډيا ونګ لخوا د جاري شوي بيان له مخې په دوشنبه هوائي مېدان تاجك وزيراعظم قاهر رسول زاده، د توان او آبي وسائلو وزير دلير جمعه، تاجك نائب وزير خارجه فرخ شريف زاده، د دوشنبې ښار ميئر جمشيد تبرزاده ٬ په پاکستان کښې د تاجکستان سفير يوسف شريف زاده ٬ په تاجكستان كښې د پاكستان سفير محمد سعيد سرور ٬ اعلې سركاري او سفارتي اهلكارو وزيراعظم ته هركلے اووې۔ په دوشنبه هوائي مېدان وزيراعظم شهباز شريف سره خپل تاجك همڅنګ قاهر رسول زاده ملاقات وكړو او خبرې اترې ئې وكړې۔ وزيراعظم شهباز شريف په دوشنبه كښې د اسماعيل ساماني يادګار ته لاړو او په قبر ئۍ د ګلونو څادر خپور كړو۔ اسماعيل ساماني د منځنۍ آسيا يو تاريخي شخصيت او د تاجكستان قامي اتل دے كوم چې په نهمه او لسمه پېړۍ كښې د تاجكستان او خراسان په سيمه حكومت كولو او تاجك قام ئۍ د تاريخي پرمختګ په لاره روان كړو
