اسلام آباد ۔ 21 جنوری (اے پی پی) د قامي اسمبلۍ سپيكر اسد قېصر وئيلي دي د چيف الېكشن كمشنر او د الېكش كمېشن غړو غوره كولو په لړ كښې د پارلماني كمېټۍ اتفاق راتلل خوشبين دي۔ د قامي اسمبلۍ سېكرټرېټ لخوا جاري شوي بيان له مخې د قامي اسمبلۍ سپيكر ووئيل د پارلیمانی کمېټۍ په چيف الېكشن كمشنر او د الېكشن كمېشن په غړو اتفاق راتلل د پارلمان وقار زيات كړې ۔ ده ووئيل متفقه پرېكړې ته رسېدو لپاره د پارلېماني كمېټۍ هڅې د ستائنې وړ دي۔ ده ووئيل د پارلماني كمېټۍ غړو او چيئرپرسن د چيف الېكشن كمشنر او غړو په نامو اتفاق پېدا كولو كښې بشپړه كردار ترسره كړې په كوم چې زه دوئي ته مباركي وركوم۔ ده ووئيل د سپيكر په حېث زه هڅه كوم چې د قامي او ملكي اهميت ټولې چارې د افهام او تفهيم او پارلمان كښی د موجوده ټولو ګوندونو په مشاورت سره حل كړې شي چې ورسره به په پارلمان او خپلو نمائندګانو د اولس باور زيات شي
