اسلام آباد 23 نومبر (اے پي پي) قامي صحت لپاره د وزيراعظم خاص مرستيال ډاکټر فېصل سلطان وئيلي دي حکومت د کرونا وائرس د دوېمې چپې مخ نيوي له اولس كښې د سماجي فاصلې په اړه شعور بېدارولو له هلې ځلې ګړندۍ كړي، د اولسي اجتماعاتو څخه په هېواد كښې د مرګوني رنځ په تندۍ سره د خپرېدو اندېښنه ده ٬ د وائرس د منتقلۍ لاره نيولو لپاره به په اېس او پيز په سختۍ سره عمل درآمد كول وي٬ اولس له پخپله هم پكار دي چې په اېس او پيز عمل وكړي۔ د ګل په ورځ نجي ټي وي سره په خبرو كښې ده ووئيل د کرونا وائرس په ضد جنګ كښې كاميابۍ لپاره اولس له د دې رنځ د نوعيت معلومات ترلاسه كول ضروري دي او دې لپاره به ميديا هم د شعور بېدارولو په كمپائن كښې د برخې په توګه كارولې شي۔ ډاکټر فېصل سلطان ووئيل د کميونيټيز او آرګنائزېشنز د اجتماعي هلو ځلو په سبب د وباء د دوېمې چپې په كاميابۍ سره مقابله كېدې شي۔ ده ووئيل حکومت د کرونا په اېس او پيز د عمل درآمد په سختۍ سره جاج اخلي، کرونا ريليف ټائيګر فورس ته امر شوے چې ھغوي خلاف ورزي كوٶنكي په ګوته كړي٬ ده ووئيل احتياطي تدبيرونه آسان دي اولس دې ماسك اچوي او د سماجي فاصلې دې خيال اوساتي چې ورسره به د وباء د خپرېدو رفتار كمولو له مرسته ترلاسه شي۔
