لنڊن – 26 – سيپٽمبر (اي پي پي) نگران وزيراعظم انوارالحق ڪاڪڙ ڀارت تي زور ڏنو آهي ته هو پراڻي ڪشمير تڪرار کي گڏيل قومن جي قراردادن موجب حل ڪري. ڪشمير ميڊيا سروس موجب نگران وزيراعظم انوارالحق ڪاڪڙ لنڊن ۾ پرڏيهي ميڊيا کي هڪ انٽرويو ۾ چيو ته دنيا جي سڀ کان وڏي نام نهاد جمهوريت جي دعويدار ڀارت کي ڪشمير مسئلو گڏيل قومن جي قراردادن موجب حل ڪرڻ گهرجي. ڀارت سان لاڳاپن جي حوالي سان هن چيو ته پاڪستان ڀارت سان امن جو خواهشمند آهي. هن چيو ته سمورن پاڙيسري ملڪن سان بامقصد ڳالهين جي لاءِ اسان جا دروازا کليل آهن.
