اسلام آباد 16 فروري (اے پي پي) په ټول هېواد كښې به د پوليو د مخ نيوي كمپائن ﴿نن﴾ د ګل په ورځ پېل كېږي، د پوليو كمپائن په مهال به په ټول هېواد كښې 3 كروړه 9 لكه 60 زره ماشومانو ته د پوليو څخه د بچ كېدو څاڅكي وركولې شي. د نېشنل اېمرجنسي آپرېشن سنټر له مخې د كمپائن په مهال به دوه لكه 65 زره د پوليو كاركنان په ټول هېواد كښې ماشومانو ته د پوليو څاڅكي وركوي. د وزيراعظم خاص مرستيال ډاكټر ظفر مرزا په خپل پېغام كښې وئيلي دي چې د هېواد ټولو ماشومانو ته د پوليو واكسين وركول زمونږ هدف او عزم دے.
