اسلام آباد 23 فروری (اے پي پي﴾ د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان وئيلي دي چې د مقبوضه كشمير د مېرمنو د مقاٶمت ورځ د هندي رياست د تاريخ تر ټولو توره ورځ ده. د اتوار په ورځ په ټويټر په خپلو پېغامونو كښې د وزيراعظم د اطلاعاتو او خپرونو خاص مرستيالې ډاكټر فردوس عاشق اعوان ووئيل چې د مودي د فسطائي اېجنډې او نفرت په اور كښې هند په خپله سوځي. په هند كښې د اقليتونو حقوق تر پخو لاندې كولې شي. د هند سړي او ښځې په سړكونو د احتجاج په توګه موجود دي. د وزيراعظم خاص مرستيالې ووئيل چې د شاهين باغ احتجاج په 60مه ورځ كښې داخل شوې چرته چې د زرګونو په شمېر مېرمنې د مودي د تور امتيازي قانون په ضد په احتجاج دي.
