د اېف اېم ډائرېکټ مقصد په خارجه وزارت كښې دننه روابطو ته وده وركولو سره مېرټ
اسلام آباد 17 اپرېل (اے پي پي) خارجه وزارت د وژن اېف او له مخې د دننه روابطو بهترۍ لپاره د “اېف اېم ډائرېکټ” اجراء كړې۔ اېف اېم ډائرېکټ به د موجودہ وبائي چيلنج له مخې دننه روابطو ته وده وركولو لپاره موثره ثابت شي۔ د جمعې په ورځ خارجه وزير مخدوم شاہ محمود قرېشي د وژن اېف او له مخې د خارجه وزارت چارواكو سره روابط موثره جوړولو لپاره د “اېف اېم ډائرېکټ” ايپليکيشن اجراء وكړه۔ د اېف اېم ډائرېکټ مقصد په خارجه وزارت كښې دننه روابطو ته وده وركولو سره مېرټ، سېپځلتيا او په پرېكړه كښې د چارواكو رائے او شموليت باوري كول دي۔ خارجه وزير په وزارت او ګرده نړۍ كښئ د پاكستان سفارت خانو جديدو تقاضو سره سمولو لپاره تېر كال دسمبر كښې ” وژن اېف او” پېل كړے ٶ۔ چې مقصد ئې جديدې ټېكنالوجي كارولو سره د وزارت كاركردګي او روابط مستحكم او موثره كول وو۔ د وژن اېف او له مخې د ټولو نه وړاندې په وزارت كښې نوې وېب پاڼه جوره كړې شوه دغسې چې د مصارفينو ته د خارجه چارو په اړه معلومات ته بهتره رسنه ممكن كړې شي۔ هم د وژن اېف او له مخئ د اېف اېم كنكټ (کافي مارننګ) سلسله پېل شوې چې له مخې ئې خارجه وزير هره مياشت د مختلف مكتبه فكر جيد شخصياتو سره ملاقاتونه كوي او ورسره په مهمو خارجه چارو خبرې كوي ، دا سلسله هم په كاميابۍ سره روانه ده ۔ د دې نه وړآندې خارجه وزير په مهمو خارجه چارو مشاورت لپاره د خارجه چارو پوهانو، ريټائرډ خارجه سېكټريانو پشمول مشاورتي كونسل هم جوړ كړې ، چې يو شمېرې غونډې ئې په وزارت كښې شوي۔ د اېف ايم ډائريکټ ايپليکيشن اجراء سره به خارجه وزارت په تاريخ كښې په وړومبي ځل ، ټولو چارواكو، ګريډ او د منصب د فرق نه غېر خارجه وزير سره ډيجيټل رابطه كولې شي او د خارجه پاليسۍ په اړه به د خپلې رائے څرګندونه كولې شي۔
