اسلام آباد ۔ 18 اپرېل (اے پی پی) صدر مملکت ډاکټر عارف علوی وئيلي دي د روژې مباركې مياشت په مهال د كورونا خپرېدو مخنيوي له به په احتياطي تدبيرونو عمل كول وي۔ هيله ده چې په جوماتونو كښې به احتياطي تدبيرونه خپل كړې شي ، اسلام د نظم ونسق درس وركوي۔ منظم قومونه ترقي كوي۔ ددې خيالاتو څرګندونه ده د خالي په ورځ د علماﺀ كرامو او مشائخو غونډې په پېل كښې د خپل خيالاتو څرګندونې په مهال وكړه۔ ده ووئيل د پاكستان په شمول ټوله نړۍ د كورونا وائرس وباﺀ سره مخ ده۔ ددې غونډې مقصد د روژې مباركې مياشتې او تراويح په مهال د احتياطي تدبيرونو حوالې سره قومي همغږي رامخې ته كول دي۔ ده ووئيل د روژې مباركه مياشت او جوماتونه مسلمانانو لپاره ډېر مهم دي۔ مونږ غواړو چې د كورونا صورتحال نظر كښې نيولو سره كومه متفقه تګلاره جوړه كړې شي۔ ده ووئيل اولس ته خواست كوم چې مدرسو او جوماتونو ته د عطياتو وركولو لړۍ روانه وساتي۔ ده ووئيل د كورونا وائرس صورتحال نظر كښې نيولو سره حالاتو كښې ځينې ځايونو كښې به نرمي او ځينو نورو ځايونو كښې سختي كولې شي۔ حكومت دې حوالې سره تياري كوي او د روژې مباركې مياشتې په مهال د علماﺀ كرامو مشاورت سره تګلاره وضعه كول غواړي۔ ده ووئيل اسلام د نظم او ضبط درس وركوي او منظم قومونه ترقي كوي۔ مونږ ته د حضرت محمد (ص) پاك ژوند څخه د نظم او نسق درس ترلاسه كېږي۔ ده ووئيل مسلمان د خپل عزم د لارې په هر يو څيز قابو موندلې شي۔ ده ووئيل نن قوم انتظار كوي چې حكومت او علماﺀ كرام به د رمضان المبارك حوالې سره يو ډول دريځ خپل كړي۔ ده ووئيل پاك پروردګار ته دې وباﺀ څخه خلاصي او خپلې بخښنې له لاس په دعا يؤ۔ ده ووئيل د وباﺀ حوالې سره حكومت اولس شمېرو نه پرله پسې خبر ساتي۔
