اسلام آباد ۔ 21 اپرېل (اے پی پی) صدر ډاكټر عارف علوي په كنټرول لائن د جنګ بندۍ خلاف ورزو ٬ هند كښې مسلمانانو سره د روان متعصبانه سلوك او مقبوضه كشمير كښې د هندي ظلم او زياتي غندنه كولو سره وئيلي دي نړيواله ورورولي او په خاص توګه ملګري ملتونه دې كورونا وباﺀ تر مخه د دې صورتحال نوټس واخلي۔ كشميرې اولس به يوازې نه پرېږدو۔ د دوي مقدمه به په هر يو فورم مخ په وړاندې بيايو ۔ صدر ډاكټر عارف علوي ووئيل په كورونا وائرس قابو موندلو له په حفاظتي تدبيرونو عملدرآمد ضروري دے او په يووالي به په دې وباﺀ قابو مومو۔ د دې خيالاتو څرګندونه صدر ډاكټر عارف علوي د نهې په ورځ د مظفر آباد دورې په مهال ميډيا سره خبرو كښې وكړه۔ په دې موقع د آزاد كشمير صدر مسعود خان او وزيراعظم راجه فاروق حېدر هم موجود وو۔ ده ووئيل وفاقي حكومت د لاك ډاؤن په مهال د ضروري څيزونو څانګې د پرانستې ساتلو اجازه وركړې ۔ دغسې تعميرات سېكټر پرانستلې شوے۔ صدر ډاكټر عارف علوي ووئيل په بېلو هېوادونو كښې د لاك ډاؤن په حقله رد عمل مختلف دے۔ ده ووئيل زمونږ صوبو هم د صورتحال د لاك ډاؤن په اړه پرېكړې كړي۔ ده په احتياطي تدبيرونو د عملدرآمد تاكيد كولو سره ووئيل كورونا وباﺀ څخه ځان ساتلو له بايد لاس ووينځلې شي ٬ مخ نه ګوتې لرې اوساتلې شي او ماسك واچولې شي۔ ده ووئيل د روژې مباركه مياشت د توبې ٬ استغفار او بخښنې غوښتلو ده ٬مونږ له به د كورونا وائرس وباﺀ تر مخه زيات نه زيات استغفار كول وي۔ ده ووئيل د روژې مباركه مياشت كښې جوماتونو كښې عبادت لپاره علماﺀ كرامو سره په 20 نكاتو صلاح راغلې ۔ ده ووئيل اسلام كښې په نظم او نسق زور راوړلې شوے۔ قائد اعظم محمد علی جناح خپلو فرموداتو كښې د ايمان٬ اتحاد او تنظيم تاكيد كړے۔ ده ووئيل په كنټرول لائن هند د درنې وسلې د لارې ډزې كړې د كومو چې غندنه كوم۔ هند كښې د كورونا وائرس په بهانه مسلمانانو سره تعصب كولې شي او په هندي مسلمانانو ظلم او زياتې كولې شي۔ ده ووئېل كال 1948ء څخه تر دې دمه نزدې 100 زره كشميريان شهيدان كړې شوي ۔ د ملګرو ملتونو سلامتي كونسل بايد د دې نوټس واخلي۔ ده ووئيل دملګرو ملتونو عمومي سېكتر ټوله نړۍ كښې د ظلم او زياتي لړۍ بندولو غږ كړے ۔ صدر ډاكټر عارف علوي ووئيل مونږ كشميري اولس سره ولاړ يؤ او په دوي روان ظلم او زياتې به په هر فورم رامخې ته كوؤ۔ ده ووئيل مونږ له به په ګډه د كورونا وائرس مقابله كول وي
