اسلام آباد ۔ 24 جون (اے پی پی) وزیراعظم عمران خان وئيلي دي وفاقي حكومت ضم شوو ضلعو له د پرمختيائي فنډز پرله پسې وركولو په لړ كښې خپلې ذمه وارۍ ترسره كوي۔ دې سيمو كښې د پرمختيائي منصوبو په ټاكلي وخت ترسره كولو ته پام لرنه كوو ۔ د دې خيالاتو څرګندونه ده د ضم شوو ضلعو د قامي اسمبلۍ غړو پلاوي سره خبرو كښې وكړه چا چې د مذهبي چارو وفاقي وزير نور الحق قادري په مشرۍ كښې وزيراعظم عمران خان سره ملاقات وكړو۔ ملاقات كوؤنكو غړو كښې ګل داد خان، ګل ظفر خان، ساجد خان او محمد اقبال خان شامل وو۔ ملاقات كښې په ضم شوو ضلعو كښې په اولسي خېر ښېګړه او پرمختيائي چارو ٬ د كورونا وبا مخ نيوي له په پورته كړو ګامونو او د سماجي او اقتصادي پرمختګ د روډ مېپ په شوي پېشرفت خبرې وشوې۔ وزیراعظم غړو سره خبرو كښې ووئيل وفاقي حكومت ضم شوو ضلعو له د پرمختيائي فنډز پرله پسې رسنې په لړ كښې خپلې ذمه وارۍ ترسره كوي۔ دې سيمو كښې د پرمختيائي منصوبو په ټاكلي وخت باوري كولو ته پام لرنه كوو۔ پلاوي د ضم شوو سيمو ودانۍ او پرمختګ له په ذاتي خوښي لرلو او هڅو كولو د وزيراعظم مننه وكړه۔
