اسلام آباد 12 اګست (اے پي پي) قومي اسمبلۍ په ټولو سركاري او غېر سركاري دستاوېزاتو كښې د حضرت محمد ﴿ص﴾ نامې سره د خاتم النبيين ليكلو او لوستلو قرارداد په اتفاق سره منظور كړے. د شورو په ورځ د قومي اسمبلۍ غونډه كښې د پارلماني چارو وزيرمملكت علي محمد خان ووئيل دې ايوان يوه مياشت وړاندې يو تاريخ ساز قرارداد منظور كړے ؤ چې د رسول اكرم ﴿ص﴾ نامې سره دې په درسي كتابونو كښې خاتم النبيين وليكلے شي. زمونږ يو غړي مجاهد خان تجويز وركړے چې په ټولو سركاري او غېر سركاري دستاوېزاتو كښې دې هم د حضرت محمد ﴿ص﴾ نامې سره د خاتم النبيين ليكلے او لوستلے شي چې دغسې د قاديانيت فتنه مسترد كړې شي. په دې ټول ايوان اتفاق وكړو. د دې نه پس ده قرارداد وړاندے كړو چې دا ايوان د حكومت نه غوښتنه كوي چې په ټولو سركاري او غېر سركاري دستاوېزاتو كښې د حضرت محمد ﴿ص﴾ نامې سره د خاتم النبيين ليكل او لوستل باوري كړي. دغسې غونډې په اتفاق سره دا قرارداد منظور كړو
