اسلام آباد 16 اکتوبر (اے پی پی)د وزيراعظم د اطلاعات او خپرونو خاص مرستيالې ډاكټر فردوس عاشق اعوان وئېلي دي چې په نېشنل ايكشن پلان كښې د پيمرا كردار معلوم دې٬د رياست په ضد لشكر كشۍ له ډلې جوړول وي يا د قامي سلامتيا په ضد كوم ګام٬نېشنل ايكشن پلان په پيمرا نافذ كېږي ځكه په دې لړ كښې پيمرا ته د حكومت سپارښتنې ضروري نه دي۔دې د شورو په ورځ خارجه وزير شاه محمود قرېشي سره مېډيا ته بريفنګ وركولو۔خاص مرستيالې ووئيل د مولانا فضل الرحمان پشمول هر پاكستانې د احتجاج حق لري او هر حكومت دا حق تسليموي خو د دې سره لګېدلې د 27م اكتوبر د كشمير توره ورځ هم ده٬يو پلو وزيراعظم عمران خان د كشميريانو د وكيل او سفير په توګه پھ نړۍ كښې د خلكو ضميرونه رابېداروي نو بل خوا پھ داسې حالاتو كښې د هېواد دننه داسې هڅې كومې چې يو كاز ته زيان رسوي نو حكومت په دې تشويش لري۔په 27م اكتوبر د تورې ورځې په موقع كشميريانو سره د يو والي څرګندونه پكار ده۔د يوې پوښتنې په ځواب كښې دې ووئيل چې نېشنل ايكشن پلان كله جوړ شو نو د هغې سره څه ټي او آرز جوړ شو او د هغې سره يې يو پلان آف ايكشن هم دې چې پكښې ټول سټېك هولډرز شامل دي او په دغې كښې د پيمرا برخه هم شته۔په نېشنل ايكشن پلان كښې د جوړ كړو وركننګ پيپرز كښې د ټولو سټيك هولډرز كردار معلوم دې
