اسلام آباد 14 جون (اے پي پي) په وفاقي بجټ 21-2020م او فنانس اېكټ كښې په سېلز ټېكس، فېډرل اېكسائز ډيوټي او كسټم اېكټ كښۍ د يو شمېر بدلونو تجويزونه وركړل شوي دي. د بجټ دستاوېزاتو له مخې په كسټم اېكټ 1969م كښې برآمدي ري بېټ ته بغېر د كومې انساني مداخلې د برآمد كوونكو په بنك اكاٶنټ كښې نېغه په نېغه د منتقل كولو طريقه كار د خودكار كولو تجويز وركړے شوے. د صنعتي څانګې لګښت كمولو لپاره خام مال هم د هر ډول كسټم ډېوټيز څخه د مستثنٰي ګرځولو تجويز وركړے شوے. د دې څيزونو په لسټ كښې كېميكلز، لېدر، ټېكسټائل، ربړ او په سره كښې كارول كېدونكې خام مال شامل دے. د بجټ دستاوېزاتو له مخې په 200 ټېرف لائنز د كسټم ډيوټې په شرح كښې د ډېر كمي كولو تجويز وركړے شوے. د دې څيزونو په لسټ كښې بليچنګ، ربړ او د كورنيو څيزونو خام مال شامل دے. دغسې د راتلونكي مالي كال په بجټ كښې نور د يو شمېر بدلونو تجويزونه وركړې شوي دي
