اسلام آباد ۔ 23 جون (اے پی پی) خارجه وزير شاه محمود قرېشي سره بېلو هېوادونو له ټاكلې شويو سفيرانو د نهې په ورځ خارجه وزارت كښې ملاقات وكړو۔ ملاقات كوؤنكو دې سفيرانو كښې منصور احمد خان (افغانستان)، معین الحق (چین)، معظم علی خان (یو کے) احمد حسین دیو (برازیل)، ظهور احمد (سویډن)، آفتاب احمد کھوکھر (آسټریا)، سجاد حېدر خان (بیلارس)، سید حیدر شاہ (نیپال)، محمد حسن (انډونیشیا )، امتیاز احمد قاضی (فلپائن )، مراد اشرف جنجوعه (نیوزی لېنډ )، مظهر جاوید (سوئيلي افریقا )، ساجد بلال (مصر)، شوذب عباس(ایتھوپیا )، محمد سلیم (تنزانیا )، احمد علی سروهې (نائجر) ،امیر محمد خان (روانډا)، سجاد احمد سېهړ (کرغزستان) ،بلال (آزربائیجان ) او امجد عزیز قاضی(قونصل جنرل چندو ) شامل وو۔ خارجه وزير د سفير په حېث په ټاكل كېدو دوي ته مباركي وركولو سره ووئيل په يو داسې وخت كښې تاسو سفيران غوره كړې شوي يئ كله چې پاكستان په داخلي او خارجي توګه يو شمېر چېلنجونو سره مخ دے۔ شاہ محمود قرېشی ووئيل د پاكستاني كميونټي حقونو ساتنه او د دوئي مسئلې په ترجيحي بنيادونو حل كول زمونږ په اولنو ترجيحاتو كښې شامل دي۔ خارجه وزير نوې ټاكلې شويو سفيرانو ته د پېشه ورو چارو او فارن پالېسۍ ترجيحاتو په اړه هدايات وركړل
