اسلام آباد ۔ 14 جون (اے پی پی) پاکستان د افغانستان پايه تخت كابل كښې په وزير اكبر خان او شېر شاه سوري جوماتونو د اوسنو بريدونو په سختو ټكو كښې غندنه كړې ده۔ ددې بريدونو په نتيجه كښې نوموړي مذهبي سكالران ډاکټر ایاز نیازی او مولوی عزیز اللہ مفلیح شهيد شوي او د نورو لمونځ ګزارو قيمتي ځانونه هم ضائع شوي دي۔ د اتوار په ورځ د خارجه دفتر وياند كابل كښې په جوماتونو د ترهګرۍ بريدونو غندنه كولو سره غمجنيو كورنيو سره د زړه له كومي غمرازي او ژوبل شويو له د زر روغتيا دعا وكړه۔ وياند د افغانستان اولس سره يو والي له د خپل لوظ پخلي كولو سره ووئيل په عبادت خانو دا ډول غېر انساني بريدونه هېڅ جواز نه لري او پاكستان د هر ډول ترهګرۍ غندنه كوي۔
