اسلام آباد20 اګست (اے پی پی) د سائنس او ټېكنالوجۍ وفاقي وزير فواد چوهدري وئيلي دي د پاكستان او سعودي اړيكې ناقابل تسخير دي٬دا اړيكې د نړيوالې منظرنامې سره هېڅ تعلق نه لري۔د حرمين الشريفين تقدس د هر مسلمان د ايمان برخه ده۔ده دا خبرې په پاكستان كښې د سعودي سفير نواف بن سعيد المالكي سره د خبرو په مهال وكړې كوم چې د زيارت په ورځ ده سره ملاقات كولو۔د ملاقات په مهال په دوه اړخيزه اړيكو او د شريكې مرستې په زياتولو خبرې وشوې۔په دې موقع وفاقي وزير فواد چوهدري ووئيل د پاكستان او سعودي اړيكې يوازې د حكومت تر كچه محدود نه دي٬بلكې دا اړيكې د پاكستان او سعودي قام ترمينځه دي۔ده ووئيل د سعودي ولي عهد شهزاده محمد بن سلطان لخوا د پاكستان دوره او د وزيراعظم عمران خان لخوا د سعودي دوره د دواړو هېوادونو د اړيكو د مضبوطيا عكاسي كوي۔دغسې فواد چوهدري د سائنس او ټېكنالوجۍ د روانو پروژو په اړه د سعودي سفير خبر كړو۔د سعودي سفير په وزارت كښې اصلاحات لپاره د وفاقي وزير هڅې وستائېلې۔فواد چوهدري د سعودي په كمپنو په پاكستان كښې د كركيلې په څانګه كښې په مرسته او سرمايه كارۍ ټينګار وكړو او د سعودي سفير د پاكستان په هره څانګه كښې د پوره مرستې كولو باور وركړو
