اسلام آباد۔ 30 اګست (اے پی پی) نېشنل كمانډ اېنډ آپرېشن سنټر د كورونا وائرس حوالې سره تازه شمېرې جاري كړی دي۔ د اتوار په ورځ د اېن سي او سي لخوا د جاري كړې شويو شمېرو له مخې د تېرو 24 ساعتونو په مهال د كورونا 264 رنځورانو ټېسټونه مثبت راغلل او د ګرد هېواد په روغتونونو كښې د كورونا 4 رنځوران په حق ورسېدل۔ د تېرو 24 ساعتونو په مهال ګرد هېواد كښې 21 زره 434 کورونا ټېسټونه وكړې شول۔ تر دې دمه ګرد هېواد كښې دې رنځ څخه 2 لکھ 80 زره 547 كسان جوړ شوي دي۔ ګرد هېواد كښې د كورونا رنځورانو لپاره په مخصوص كړې شويو 1 زر 920 وېنټي لېټرز 106 رنځوران دي۔ دا مهال ګرد هېواد كښې د كورونا 8 زره 801 اېكټو كېسونه دي۔ هېواد كښې د كورونا رنځورانو ټوله شمېره 2 لکھ 95 زره 636 ده كومو كښې چې د آزاد کشمیر 2 زره 294، بلوچستان 12 زره 842، ګلګت بلتستان 2 زره 863، اسلام آباد 15 زره 611، خیبر پختونخوا 36 زره 17، پنجاب 96 زره 741 او د سندھ 1 لک 29 زره 268 رنځوران دي۔ ګرد هېواد كښې ددې رنځ دلاسه تر دې دمه 6 زره 288 كسان مړه شوي دي۔ تر دې دمه هېواد كښې 26 لکھ 3 زره 129 کورونا ټېسټونه شوي دي۔ د ګرد هېواد 735 كورونا لپاره خصوصي روغتونو كښې 1 زر 46 رنځوران درملنو ته بستر دي
