اسلام آباد ۔ 27 اګست (اے پی پی) صدر مملكت ډاكټر عارف علوي په ټولو سټېك هولډرز زور راوړے دے چې هغوي دې هېواد كښې د خانداني منصوبه بندۍ خذماتو ته وده وركولو له مناسب ګامونه پورته كړي۔ د خانداني منصوبه بندۍ ٬ د مور او بچي صحت او د ماشوم صحت له د مور د پيو اهميت په اړه شعور بېدارولو له د ميډيا كردار ډېر مهم دے۔ ددې خيالاتو څرګندونه هغه د كنټري ډائرېكټر پاپولېشن كونسل ډاكټر زېبا ستار لخوا په احتساب ډېش بورډ د وركړې شوي پرېزنټېشن په مهال وكړه۔ ډاكټر زېبا ستار د خانداني منصوبه بندۍ خذماتو په اهميت او د احتساب ډېش بورډ په تيارۍ رڼا واچوله۔ دا ډېش بورډ به د آبادۍ او د افزائش شرح كمولو په لړ كښې د شريكو ګټو كونسل (سی سی آئی) په پرېكړو د ټولو صوبو د پېشرفت نګرانۍ او جاج اخستلو كښې مهم كردار ترسره كړي۔ غونډه كښې د بچو پېدائش كښې د وقفې ٬ خانداني منصوبه بندۍ او د مور او كوچني د صحت اهميت په اړه اولسي شعور بېدارولو له د علماﺀ كرامو د كردار ترسره كولو په حاجت هم زور راوړلے شو۔ غونډه كښې د قامي روغتيا پارلماني سېكترې ډاكټر نوشين حامد، کنټری ډائرېکټر پاپولېشن کونسل ډاکټر زیبا اے ستار او د پاپولېشن كونسل نور غړو ګډون وكړو۔
