اسلام آباد 27 مارچ (اے پي پي) د تازه ترين اطلاعات له مخې پاکستان كښې د کررونا وائرس شمېره د يوولس سوو نه زياته شوې، د دې ناڅاپي آفت له امله د محدود طبي وسائلو او د مالياتي چېلنجونو باوجود هم په ګرد هېواد كښې لاك ډاٶن دے او د پاكستان سياسي او عسكري قيادت يو موټې او چېنلجونو ته لكه د غره ولاړ ښكاري، د يو راپور له مخې وفاقي او صوبائي واكدارانو سره سره د بېلا بېلو سياسي او مذهبي ګوندونو د قيادت ترمېنځه هم د اتحاد او يوالي مثالي ماحول جوړېدو سره ګردې نړۍ ته دا پېغام وركوي چي د كرونا وائرس مخنيوي لپاره د پاكستان سول و ملټري قيادت، اولس او ټول سياسي او مذهبي ګوندونو په يو پېج دي او د شريكو او كوټلو هلو ځلو د لارې د رامخې ته شوي كرونا وائرس په وباء د قابو موندلو عزم لري چې پاكستان به د كرونا وائرس په ضد روانو هڅو كښې كښې بريالې شي۔ټول پاكستانې قام هم مطمئن دے چې زمونږ د هېواد وفاقي او صوبائي واكمند د كرونا وائرس د متعدي رنځ په خپرېدو قابو موندلو لپاره بشپړه عملي اقدامات كوي او د ګرد هېواد ډاکټران او طبي عمله هم بې خطره د كرونا وائرس د رنځورانو په درملنه كوي او د ترلاسه محدود وسائلو باوجود غوره درملنې لپاره د خپلې مسيحائي وظيفې وقار جګ ساتي۔ د کرونا وائرس د خطرناكو چيلنجونو مخنيوي لپاره ټول قام يو موټې دے او د اجتماعي تحفظ جنګ كوي، ګرده نړۍ كښې دې وائرس د خوفناك وبائي رنځ صورت اختيار كړې او هره ورځ د دې په خپرېدو كښې شدت سره اضافه روانه ده۔ پاکستان كښې زمونږ وفاقي او صوبائي واكمنو د دې خوفناكې وبائ ناروغې په ضد روان جنګ كښې د همغږۍ، اتحاد او يوالي د تقليد وړ مثال جوړولو سره يو ځل بيا ثابته كړې چې خپلو اجتماعي هدفونو لپاره ټول پاكستانې قام يو موټې او عزم لرونكې دے۔ راپور له مخې د پاكستان اولس مشر ډاكټر عارف علوي د كرونا وائرس مخنيوي لپاره ټول قام كښې د اتحاد او يوالي له د ودې په حاجت زور رواړلو سره وئيلي دي د پاكستان قام د خپل يوالي او اتحاد د لارې د هر ډول ستونزو د مقابلې صلاحيت لري، وزيراعظم عمران خان وئيلي دي ټول قام اتحاد او جذبي سره د كرونا وائرس مخنيوي لپاره يو موټې دے، د پاكستان پيپلز ګوند چيئرمېن بلاول بھټو زرداري هم د كرونا وائرس مخنيوي لپاره د ګوند لائحه اعلانولو سره وئيلې دي زه به خپله هم د رامخې ته شوې وضعې له مخې د وزيراعظم عمران خان په پاليسيو تنقيد او د هر ډول تورونو لګولو په ځائ د قامي يوالي د پاكې جذبې له مخې د كرونا وائرس په ګډه د مقابلې كولو خبره كوم ځكه چې د پاكستان اولس يوالي او همغږۍ سره د كرونا وائرس مخنيوي كولې شي۔ د وزيراعظم عمران خان په مشرۍ كښې د نېشنل سېكورټي كونسل كمېټۍ غونډه كښې د وفاق او صوبو قيادت سره سره پوځي قيادت هم د كرونا وائرس مخنيوي لپاره د اتفاق سره مهمې پرېكړې كولو له وئيلي دي چې د ملي وحدت او همغږۍ جذبې سره د كرونا وائرس په ضد اجتماعي جنګ كښې بريالي كېږو۔ د قامي اسمبلۍ سپيكر هم د كرونا وائرس وباء مخنيوي لپاره شريكه پارلماني كمېټي جوړه كړې چې پكښې د حكومت او مخالفې ډلې غړي شامل دي، تېره ورځ د وزيراعظم عمران خان په مشرۍ كښې د وفاقي كابينې غونډه كښې هم د مخالفې ډلې ګوندونو ته په باضابطه توګه بلنه وركړې شوې چې راشۍ په ګډه د كرونا وائرس د صورتحال مخنيوي لپاره متفقه قامي روډ مېپ مرتب كړو۔ د پاکستان ټول مذهبي او ديني ګوندونو هم د كرونا وائرس مخنيوي لپاره وفاقي او صوبائي واكدارانو ته د خپلې بشپړه مرستې باور وركړې او د هېواد نوموړو مفتيانو د كرونا وائرس نه بچ كېدو لپاره په هر ډول مذهبي اجتماعاتو د بندېز لګولو بشپړ تائيد او ملاتړ كړې ، دغسې د كرونا وائرس په ضد جنګ كښې ټول قام يو موټې دے
